真正仆街網上痕
09 Oct 2008 3 Comments
in Hong Kong, Web Tags: Broadband, Complaint, Hong Kong, Netvigator, Web
流動電話、上網服務轉台其實係等閒事，我未曾見過一間要cut都cut得咁煩咁黑人憎，大家好嚟好去，香港得果幾會台遲早又走返過嚟，點解要用啲咁污穢嘅招數？一來冇得打電話cut，二來佢唔會郵寄張form俾你，一定要你去門市攞，又唔係間間門市都有得攞喎，攞form又要登記身份証。我仲諗不如攞咗同大家分享，哈！原來張form成張A3紙咁大，仲一式三份，一定要寄fax唔得，又唔可以早過兩個月通知要cut，少過一個月又會扣你錢，問你死未！
為咗填終止日期，我打電話去諗住問吓我張約幾時到期，點知佢哋夠膽死仲返sell返我轉頭，又話送我試用WiFi, Snaap！鬼唔知佢哋又係想駁你第二個月唔記得cut又可以收你錢，我當然第一時間話唔要，個sales點解我就直接話我知佢哋成日用呢招屈人錢。點知過幾日就收到佢封信話我subscribe咗！擺到明玩嘢！咁同搶錢有乜分別？！我今次點都要追究到底！
Advertisement
Oct 10, 2008 @ 04:16:50
我早幾個月cut個陣，係佢寄form比我，我填完再寄返比佢，由佢收到個日先開始計，一個月後幫我cut，當時已經覺得煩到嘔奶，估唔到依家仲煩。
相對黎講，有線電視都算係咁，可以fax form比我，又可以fax返比佢，雖然，佢地前前後後打左3次黎問我點解要cut。
Oct 10, 2008 @ 04:28:39
點解冇一間可以正正常常做生意？客唔鍾意始終都會走或者要求退錢。
點解一年接到咁多投訴政府又繼績發牌？特首話冇官商鉤結有冇人信？
我今朝打去佢哋都肯即刻cut返wifi同snaap，不過我都想去消委會投訴!
Oct 10, 2008 @ 09:24:26
我上次 cut 123，最後都係要告上消委會先有得攞番啲屈我嘅錢。正PK。